B’referenza għall-korrispon-dent bin-nom de plume “Naħ-fru iva, ninsew qatt”, li kiteb f’l-orizzont tal-Ħamis 1 ta’ Lulju 2010 nixtieq nuri l-istess sogħba li qed iħoss hu għal dawk li kienu mkasbrin fis-snin Sittin.

Nifhem ħafna lil dan il-korrispondent għax iz-ziju tiegħi Ġamri Briffa (Iċ-Ċitta) mill-Ħamrun kien weħel il-ħabs f’dik l-epoka.

Kien, iżda, ta’ pjaċir għalija meta dan qal li l-Arċisqof Cremona m’għamilx ċenteżmu xogħol biex dawn il-feriti jit-fejqu. Mela korrispondent ma qarax l-artiklu li kiteb Lino Cassar, l-eks editur tax-Xewka? Dan qal li żaru l-Arċisqof Cremona l-isptar fejn għadda sigħat sħaħ ħdejh u wassal lil dan Lino biex jibqa’ jitqarben kuljum. Ħafer u nesa u b’hekk wieħed jissejjaħ nisrani.

L-Arċisqof Cremona hu bniedem t’Alla.

Dan l-Arċisqof, Alla ħatru patri u ftit kienu jafuh iżda kien imġiegħel b’ubbidjenza jaċċetta l-kariga ta’ Arċisqof.

Lanqas issemma minn qabel bħalma ssemmew ħafna oħrajn. Ma ħadimx biex isir Isqof u għalhekk din hi raġuni biżżejjed biex naraw xi kwalità ta’ qdusija għandu l-Arċisqof Cremona.

John Tonna, Birkirkara