Minkejja li s-segretarju par-lamentari Chris Said qal li l-Green Paper tal-Kummissjoni Ewropea dwar ir-riforma fil-pensjonijiet fil-pajjiżi tal-UE taqbel ma’ dak li qed jagħmel il-gvern f’Malta, fir-realtà mhu qed jagħmel xejn biex inaqqas il-welfare gap.

Skont statistika lokali u Ewropea jidher li qed tiżdied l-inekwità soċjali f’pajjiżna, u għalhekk wasal iż-żmien li wieħed jistaqsi kif qed ikun imqassam il-ġid miksub mill-progress ekonomiku. Dan l-iżbilanċ soċjali qed jolqot il-mod ta’ għajxien tal-Maltin u jagħmilha impossibbli li jużaw minn ċerti servizzi.

Fil-fatt, minkejja li l-Green Paper tal-Kummissjoni Ew-ropea tagħmel emfasi dwar il-ħtieġa li n-nisa li jirtiraw mix-xogħol minħabba li jkunu saru ommijiet ikunu mħeġġa biex jerġgħu jidħlu fid-dinja tax-xogħol billi jkollhom aċċessibilità għal servizzi bħalma huma child care centres, f’Malta dan għadu ma seħħx.

Minkejja li f’baġit wara l-ieħor il-gvern jitkellem dwar miżuri biex iħeġġu lin-nisa lura fid-dinja tax-xogħol, dan għadu ferm ’il bogħod milli jseħħ. Malta hija minn tal-aħħar fost il-pajjiżi tal-Unjoni Ewropea f’dak li għandu x’jaqsam mal-parteċipazzjoni tan-nisa fid-dinja tax-xogħol.

Il-General Workers’ Union ilha ssostni li ħaddiema nisa li jkollhom jirtiraw mid-dinja tax-xogħol għal raġunijiet familjari mhumiex jingħataw l-għajnuna biex mill-ġdid jirritornaw fl-impjieg. Skont il-GWU il-ħaddiema nisa li rtiraw minħabba li saru ommijiet għadhom isibu diffikultà li jsibu mpjieg minħabba li ħafna childcare centres qegħdin jitolbu ħlasijiet għoljin li ma fis-sitwazzjoni preżenti ma jistgħux jħallsu. Dan barra li ħafna drabi l-impjiegi mhumiex joffru flessibilità meħtieġa.

Għall-GWU biex il-pen-sjonijiet ikunu adegwati u sostenibbli mhux biżżejjed li l-ħaddiema jkunu mitluba jaħdmu aktar biex jieħdu l-istess benefiċji li qegħdin jieħdu llum; iżda li jsiru arran-ġamenti fis-suq tax-xogħol biex tingħata opportunità lil dawk il-ħaddiema li jistgħu jaħdmu imma fil-preżent qegħdin jgħixu fuq is-servizzi soċjali.

ivin.catania@unionprint.com.mt