|
Il-kunċert ta’ Joseph Calleja flimkien ma’ Dionne Warwick u Riccardo Cocciante tmexxa għal nhar il-Ħamis li ġej, 29 ta’ Lulju fuq il-Fosos tal-Furjana fit-8.30 ta’ filgħaxija.
Il-kunċert kellu jkun pospost mid-data oriġinali minħabba previżjonijiet ta’ temp qalil u twissijiet ta’ rjiħat qawwija.
NNG Promotions skużaw ruħhom għall-inkonvenjenza li setgħet inħolqot, filwaqt li saħqu li l-kunċert kien pospost fl-aħjar interess tal-eluf ta’ nies li xtraw il-biljetti biex ikun żgurat li l-artisti u l-orkestra jkunu jistgħu jwasslu l-aħjar esperjenza possibbli.
Għal aktar informazzjoni jista’ jsir kuntatt ma’ Malta
ticket fuq 27842538 jew email info@maltaticket.com.
Sadanittant ir-rebbieħa tal-kompetizzjoni għall-biljetti għal kunċert ta’ Joseph Calleja mnedija mit-TORĊA u NNG Promotions huma: C. Cassar - Paola, J. Borg - Naxxar, F. Attard - Lija u P. Agius - B’Kara.
|
