L-għawwiem Malti tejjeb il-ħin fil-50m backstroke u l-100m butterfly b’0.37 u 0.82 rispettivament meta waqqaf il-ħin fuq 28.86 u 59.48 fiż-żewġt itlielaq u b’hekk ħassar ir-rekord li għamel Neil Agius f’Ottubru li għadda. Sammut ġie t-tieni fil-100m fly u rebaħ fidda ukoll fil-100m individual medley b’ħin ta’1:05.06 u bronż fil-100m free b’ħin ta’ 55.18.
Sammut diġà kellu suċċessi oħrajn fir-Renju Unit f’Diċembru li għadda meta ħa sehem fil-Bernie Nicol Open Meet f’Bath u rebaħ żewġ midalji tal-fidda fil-50m fly u 200m free u bronż fil-50m back u 200m back, kollha tlielaq fuq distanzi twal.
Sadanittant l-iskwadra nazzjonali tal-għawm tal-ASA qegħda tieħu sehem fit-13-il edizzjoni tal-laqgħa internazzjonali tal-għawm f’Lyon fi Franza fejn qegħdin jieħdu sehem għawwiema wkoll mill-Italja, Franza, l-Ingilterra, l-Isvizzera, ir-Rumanija, il-Lussemburgu, l-Islanda, New Zealand u t-Tuneżija.
L-iskwadra nazzjonali hija komposta mill-għawwiema maskili Andrea Agius, Neil Agius, Jonathan Boffa, Daniel Galea u Robert Micallef u l-għawwiema femminili Rhea Cutajar, Davina Mangion, Melinda Sue Micallef, Nikki Muscat u Talisa Pace. Mark Sammut se jiltaqa’ ma’dawn l-għawwiema f’Lyon. Huma se jkunu taħt il-ħarsien tal-kowċ Andy Colbourn.
L-ewwel ġurnata f’Lyon kienet pożittiva għax inkisru tliet rekords f’Age Group D minn Nikki Muscat li għamlet il-50m butterfly f’ħin ta’ 29.93, Mark Sammut fil-50m backstroke b’ħin ta’ 29.82 u Daniel Galea fil-50m breaststroke f’ħin ta’ 31.74.
|
