Inez Kristina Baldacchino li għandha 13-il sena, kisbet unur kbir kemm għaliha per-sonali kif ukoll għal Malta, wara li rebħet il-“Wizard Keep Grand Manga Competition” li fiha jistgħu jipparteċipaw nies minn madwar id-dinja kollha.
Din il-kompetizzjoni hija dwar esebizzjonijiet ta’ arti grafika u tittella’ fuq is-sit ta’ Tim Perkins li huwa artist pro-fessjonali Ingliż tal-arti grafika. Hija setgħet tieħu sehem f’din il-kompetizzjoni wara li s-sena li għaddiet rebħet l-ewwel kompetizzjoni tal-arti grafika li kienet organizzata f’Malta.
Bħala premju talli rebħet din il-kompetizzjoni prestiġjuża, diversi xogħlijiet ta’ Baldacchino se jkunu mxandra fuq is-sit li organizza l-kompetizzjoni u apparti minn hekk ix-xogħol tagħha se jidher ukoll World End Sketch Book flim-kien ma’ xogħlijiet ta’ diversi artisti oħra.
|
