Il-parteċipazzjoni għall-Konkors Letterarju tat-TORĊA, imniedi fl-okkażjoni tal-50 anniversarju minn meta t-TORĊA bdiet toħroġ bil-Malti kull nhar ta’ Ħadd, kienet waħda tajba ħafna. Fil-fatt fiż-żewġ kategoriji, dik tal-poeżiji u l-oħra tal-proża, ħadu sehem ‘il fuq minn mitt parteċipant.

Għall-kategorija tal-poeżija daħlu b’kollox 102 poeżiji filwaqt li fil-kategorija tal-proża, ix-xogħlijiet li daħlu kienu 56 essay jew novella.

Ir-rebbieħa fiż-żewġ kategoriji se jkunu qiegħdin jitħabbru waqt serata letterarja li se ssir fil-Workers’ Memorial Building, il-Belt Valletta, nhar il-Ġimgħa, 23 ta’ Ottubru, u tibda fis-7.30pm. Il-parteċipanti kollha huma mistiedna biex jattendu għal din is-serata. Se jkun qed isir qari tar-rapporti tal-ġurija, qari tax-xogħlijiet rebbieħa, mużika u fi tmiem is-serata bibita għal dawk kollha li jattendu.